Almerick Blog

Almerick life with Rainy, Energy and Arts.

好多時都有D人走來問,依D嘢有咩用?雖然我學(玩)能量治療超過十五年。唔係咩都見過。加上近年專心學習KS嘅方法。連我以埃及嘢起家的內容近乎放棄。 來過我治療中心的新時代人都應該有D奇怪,我度沒有生命之花,無Kabbala,  無太極等等。反而有堆不知名的幾何符號。主要原因係能量頻度唔夾。連佢地衍生出來的系統都無再去使用。原因有好幾個,我唔會涉及螺旋走向不同的法門,即只用 krystic spiral,  堅持自我維持(self sustainable) , 了解能量來源。 對於好多人的邀請,我是會婉拒,有時間可都重睇2009-2017 的KS資料,過住一年四個workshop, 好多都睇完一次就算,其實內容咁豐富,真係好直得一看再看。    

腳痛

近來有一個好耐無來的舊客返來。已經是信和年代的客人,那名客人我都跟他做了一段時間的治療。印象中是小腿疼痛無力。經過幾個月的治療已經恢復了八成。當然可能完全康復要靠自己運動,生活習慣的改善。 最近回來,當然問下最近怎樣,原來的痛一早已經好了很多,不過出現之出現了另一問題,隻腳因感染,傷口遲遲都未好,很少行走。今次過來藉推拿強下肌肉的力量。 我一路聽佢講,不禁另我想起是否靈性上的問題。身體的痛本來就想說出靈性上所需:腳的問題,原來就在提示「恐懼生活上變化,對未來的恐懼以及家庭或父母問題有關。」以住推拿減輕了痛的問題,靈性上問題無另一情況呈現出來。 跟他做了一次能量治療, 然後問他有何感受,他感到舒適,減少了恐懼,感到安全。成個治療原本是為他的腳而做 ,當然我是一定的假設。現在他自己在過程中發現了恐懼,並感到舒適。 在學習推拿前五六年,我是學能量治療的,我相信兩者的結合,身體與靈性的結合可以處理客人問題更好。

思緒的混亂 在單調的諧波(lone harmonic) 處身在沒有連線的個人聖所中 和自己相處 在漩渦的中央 靜止點之內 完全的寂靜 找到平安 喜樂 自由   “Solitude is where I place my chaos to rest and awaken my inner peace.” ― Nikki Rowe  

性格轉變

話說有個朋友有4 個身份,有四個不同性格。一般人聽落可能會唔係好相信,但對於我來說,其實無乜特別。尤其有walk-in 經驗的。 walk-in(step-in) 簡來說就係靈魂轉換。 有部份人有靈魂協議,在適當時候會轉換。轉變可以係一瞬間,也可以慢慢融合。 個人記憶walk-in 經驗有兩次, 分別在12歲及29 歲。來自同一個soul family. 近來發現當幫人做治療時,特別係D大case嘅症,有一個身份係要落到來,去做自己的工作。工作完,未必會即時轉換走。有時會會持續數小時。 所以當我做完工作,其實唔係好想見人,好想平靜的心,回復正常狀態。

當兔與大家都用同一樣的工具,e.g wand,音叉等等,有無發現,就算是是同一支工具, 點解兔會大力好多呢? 原來工具係需要同使用者同步的。即係工具是治療師的延伸。Sa ka ra 4 中有一個技巧是使工具和中脉 (Hara Line)同步。使用心念同呼口吸可以達至同一效果。 咁就能做到,手中無劍,心中有劍。 用心感受頻率,與物品同步。回復正常呼吸,與其同步。 近來有個想法想,就係去Sakara 化,即唔用Sakara 嘅技巧,只運用內裡心法。回到最基本的原則上。 當連符號都去除就會真係完全是自己的能量,連「借用」去除。不需要什麼,只需要意圖 。

推拿以外治療

好多朋友認識我都係由推拿開始。遠於投入推拿治療前,我係醉心於各類治療,包括能量 (Reiki, 埃及, 印度體系), 精油,花精,塔羅占卜。 改自某廚師的說話:推拿其實係我最弱的一門治療,  只係最受大眾接受的方法。早於2005 年已經在dhn 參加遠傳能量治療。也有在網上提供收費治療服務。 從當時起以好想能量治療為助人的職業。 如今我的推拿治療有一定人的肯定和認同,即係日日爆客同回頭,反而想推廣一下能量治療,能量治療又叫宇宙能量,跟氣功差不多,只係用外在的能量為自己或客人作「氣」的補充。當然也涉及調整情緒,精神,心靈或環境層面,使之平衡運作。   未接觸過的朋友又想試下可以考慮使用全新推出的新服務,這個服務結合了推拿的能量治療, 叫「能量身體調整」。 「能量身體調整」:結合能量治療與推拿, 用於處理情緒,身體,心靈,環境層面引發的身體不適。 可以到 https://www.usagiworks.com 預約。

信和的盲人按摩師傅打俾我同我嘅佢地唔做lu,  仲問我要唔要佢地D舊推拿巾。 佢地嘅地方我用左好幾年,也是最低谷嘅時候,由師兄介紹認識的。直至到搬到傲翔後就好間唔中用下。最後一次用就係在傲翔拎斷鎖匙,要急忙去明心做的事情。 雖然同明心沒有師徒的關係, 但過年過節,師傅都係請我食月餅或俾開工利是我,十分之感激。而明心也係我同失明人事接觸的一個機會。了解生活上一點細節。俾起開眼嘅人更清楚依個世界。 今收到他們光榮結業的通知,實在感到可惜。相信他們找到新的生活,享受一下人生。

持之以恆的修行

修練任何法門,要持之以恆,有人以為學了某法門,就可以得到改善或進步。其實只是開始。與其學習不同法門不如專心修一個與自己同目標一致的功課。 好多人想創造實相,其實可以好簡單,每日做五至十分鐘,看看成效。找一個靜的地坐下,減慢自己的呼吸,觀想自己係所有事物,世界的中心,感覺自己在一個球體當中。先問下自己不同的部分對想創造東西的睇法,是否出自真心的創造,並修改內容。當你全然的感受同意依個內容。可以投入多點感受、情緒。下一步可以做一個深而慢長的吸氣,歡想球體收縮進入心內。用力一次快速呼氣,將球體擴展到原本大細。回復正常呼吸。靜靜觀察一陣。 當每天作這個練習,加上今天的修改可以逹到你想要的目標。 問題係,你有什麼想要?同堅持多久。

靈性修行

如你有自醒的心,轉變心態,即使是用最簡單的方法,而能處理問題。見到不是朋友學好多不同法門,幾乎坊間有的課程都學過晒,由能量,占卜,術數,算命,學了十幾年,由一樣轉另一樣,但結果改變的並不多。 有咩係最勁,答案係無野係最勁,如果不修心,回到當下。繼續在創造負面的環境,真係無乜野可以幫到你囉。享受自己創造的世界,又唔承認是自己創造(或吸引)係一個死症。咁樣我係無野幫到你。 跟源頭向上聯系 “Go Vertical”  一向都係我個人修行中常常跟從的原則。”deity”,Guidance 我真係好少會呼召來幫手。 2017 年係很特別的一年,我應該會專注於治療工作及個人修行上。工作上希望可以帶引客戶,朋友衝破心裡的障礙。至於教學上,我應該唔會再教,Lv2 都已經那樣大沖擊,lv3-lv6 香港應該無難上到。改為個人指導可能會更有效果。

教學

近來工作主要以推拿治療為主,間唔中會做下催眠同能量治療,近半年無咩做能量教學的工作。如你是感覺細緻,你會知道能量每天都在變化。作為能量的管道 (conduit), 必須將最高而合適的頻率帶到這裡。 教學係一系統性的傳承,但在特殊時間上可能這並不適合。 教學重視的技巧多於頻率高低。好多老師唔係直接用能量源頭來做attunement, 而係用老師本身的用媒界,而我多用能量源頭,例如Sa Ka Ra 中,我用了埃及Sa Ka Ra 遺址的能量直接與學生連繫。隨著Sa Ka Sa 做Grid point 的修復,做能量已經遠遠超越我2005 年時的力量。當你意願,發心足夠時,可能已經超越Master 諧的能量。至於符號,其實每一次入去個「個人聖廟」中,符號都會有更新,所以竟係用我當年用的符號定係用新符號,我未有定論。這個係暫停了個教學真正原因。 在以後的教學中,有幾個考慮,  以發心決定能開啟的層次,符號可能會係即場channel,但保留技巧(祝福,清場,打擊,求願 etc) 。 放時間以各式治療去處理別人的身心靈問題還是先於教學  

« Older posts

© 2017 Almerick Blog — Powered by WordPress

Theme by Anders NorenUp ↑

%d bloggers like this: