六帝錢加葫蘆
May 27th, 2008
星期日去了某朋友家中吃飯，女主人攞左個「六帝錢加葫蘆」出來，問我可唔可以防小人。
當時心諗， 又係葫蘆， 有無搞錯， 一早寫過好幾編文， 叫D人唔好亂用。當然人地問到我梗係話睇下。發現六帝錢次序都放錯，我無記錯要跟六帝的先得次序排好，即順治、康熙、雍正、乾隆、嘉慶、道光。仲有一兩個錢係反轉了放。我便叫佢唔好用。
及後女主人同男主人講，不如掉左佢，男主人便話開左光唔可以話掉就咁掉。女主人就話，咁收埋佢先。
收埋佢同藏起佢等發揮功用有咩分別！
後記：那家人有一個轉經輪反時針轉了多時，各方面也沒有太大問題，我估可能真係「無問題」！